Penúltima semana do mes das flores, do mes de María. As actividades previstas para esta semana son:
- Martes 22: Excursión a Cantabria para o alumnado de 2º ESO (cova de Altamira, parque de Cabárceno,…). Regresarán o venres 25. Actividade de “Coches sen fume” no colexio para as nenas e nenos de 1º e 2º EP. E reunión informativa sobre a excursión de fin de curso de 1º ESO para as familias (20.00 h).
- Mércores 23: Excursión ó Castro de Baroña e praia de Cabío para o alumnado de 5º e 6º EP. Empezan as probas da avaliación individualizada para as alumnas e alumnos de 3º EP. Entrega do boletín final de notas ó alumnado de 2º BACH.
- Xoves 24: Remate das probas da avaliación individualizada para 3º EP. Ás 19.00 h reunión da empresa ACTIVA para todas aquelas familias de Infantil e Primaria que desexen informarse sobre as actividades que se ofertan para as tardes de xuño e setembro, así como o campamento de verán.
- Venres 25: Excursión a Marcelle para as nenas e nenos de 1º EP, actividade no Museo de Arte Contemporáneo para os pequenos de 4º Infantil-B (3 anos) e celebración do sacramento da Confirmación para un grupo de alumnos e alumnas de 4º ESO.
- Sábado e domingo: Celebración da 1ª Comuñón para dous grupos de nenas e nenos de 4º EP. Serán ás 12.00 h.
Feliz semana para todas/os!