Actividades extraescolares

Baloncesto e fútbol

A Asociación Deportiva Calasancias oferta baloncesto e fútbol para todas as idades, desde os catro anos.Para máis información, consultar os folletos: Baloncesto 19-20 e Fútbol 19-20.

Educachef

Actividade novidosa para que pequenos e grandes o pasen moi ben aprendendo a cociñar e a alimentarse de forma saudable. Ademais, é unha forma de coñecer e recoñecer os alimentos, de desenvolver a atención plena, estimular a creatividade e fomentar tamén o traballo en equipo.

English World

English World School of English ofrece cursos de inglés cunha ensinanza personalizada, amena e de calidade. Está tutelada por un equipo de profesores nativos e filólogos, altamente cualificados.

O colexio Calasancias aposta por esta escola de inglés coa finalidade de ofertar ó seu alumnado un espazo para perfeccionar esta 1ª lingua estranxeira curricular e posibilitar a preparación e obtención de títulos homologados pola Universidade de Cambridge: KET (A2), PET (B1), FIRST (B2), Advanced (C1), etc.

Piscina

Desde este curso o colexio oferta a actividade extraescolar de natación para nenos e nenas de Infantil e Primaria por medio do Complejo Deportivo Rialta. A natación e unha das actividades deportivas máis completas, pois favorece a exercitación dos músculos, a coordinación motora, o sistema circulatorio e respiratorio, ademais de contribuír ó desenvolvemento da independencia e da autoconfianza do neno.

Esta actividade desenvólvese os xoves de 18.00 a 19.00 h con servizo de autobús. Para máis información, consultar o folleto do colexio, Natacion 19-20.

Robótica

INNOVAMOS Robótica é unha asociación que oferta como actividades extraescolares a robótica e a programación, coa finalidade de promocionar a ciencia, a tecnoloxía, a enxeñería e as matemáticas. Todo isto axuda na formación integral do alumnado, facendo fincapé no traballo en equipo, na innovación e na creatividade.

Tiro con arco

A Asociación Deportiva Arqueiros do Adarve promociona o tiro con arco. Esta actividade extraescolar desenvólvese no colexio para alumnado de Primaria, ESO e BAC.

Voleibol

O Clube Deportivo P. Faustino-Calasancias é unha organización deportiva referente do voleibol galego, cun proxecto de presente e de futuro nesta modalidade deportiva.