Pasadas as festas do Entroido, entramos no tempo litúrxico de Cuaresma, que empeza hoxe co Mércores de Cinza. Como esta semana é moi curta, adiantamos xa as actividades que temos organizadas para a vindeira. E isto é o que nos agarda:
- Xoves 2: Derradeira Xornada de Portas Abertas (15.45 h). Aínda así, as familias que queiran coñecernos, só teñen que pedir cita e atenderémolas gustosamente.
- Venres 3: O alumnado de 3º ESO-A visita a Domus para participar nun obradoiro de elaboración de fármacos.
- Sábado 4: Regresan da súa viaxe de estudos a Roma os alumnos e alumnas de Bacharelato (saíron o día 28 de febreiro).
- Luns 6: Alumnado de 5º e 6º de Infantil (4 e 5 anos) asisten a un teatro de títeres en Afundación. A obra titúlase Osiño. Pola súa banda, alumnas e alumnos de 5º e 6º Primaria, máis 1º e 2º ESO terán unhas charlas no colexio sobre o Acoso Escolar, dentro do programa do Plan Director para a Convivencia.
- Martes 7: Día grande para toda a comunidade educativa, pois celebramos ó noso fundador, o beato Faustino Míguez. Ás 10.00 teremos unha eucaristía na súa honra e, despois, actividades culturais e lúdicas para todos os cursos. Remataremos cunha celebración co profesorado e PAS do colexio.
- Mércores 8: FESTIVO LOCAL. Descansamos…
- Xoves 9: Contacontos para os nenos e nenas de Infantil, e formación para as familias dos nenos de 1ª Comuñón de 2º ano.
- Venres 10: Visita á Domus para o alumnado de 3º ESO-B. Participarán tamén no obradoiro dos fármacos.
Feliz semana para todos!
Palabras do P. Faustino sobre a educación: «Mientras haya una imagen de Dios en el mundo, será grande y providencial, será sagrada y divina la Misión de la Escuela Pía. Mientras haya una inteligencia capaz de conocimiento y de sabiduría y de verdad y de luz, y de imaginación y de recuerdo y de ciencia y de genio, será bella, será digna, será divina la Misión de mi Instituto. Sí, mientras haya en la tierra un corazón, una conciencia, un carácter, una voluntad humana, será bello, será digno, será divino el formarlos en el amor de lo que es verdadero y honesto, en el entusiamo de lo que es noble y generoso, en la santa pasión por lo que es grande y sublime»